⛔ أنا و الكرياتين ⛔
🔥 الكرياتين هو مكمل غذائي
حمض أمينى بيتكون من ثلاث أحماض أمينية و هى
( الجليسين- الأرجنين-الميثونين) الكرياتين موجود فى الأكل زى اللحمة و الفراخ و السمك و بيتفرز كمان بصورة طبيعية فى الجسم عن طريق الكبد و بيفرز فى متوسط الكبار 1 جم داخليا و يمتص الجسم من الخارج 1 جم فى اليوم و للرياضيين زيادة تخزين الكرياتين تؤدى لتحسين الأداء خلال الأنشطة عالية الكثافة.
🔥 كيفية عمل الكرياتين: المكونات
مصدر الطاقة للجسم بينتج من حاجة اسمها ايه تى بى اللى هى الأدينوسين ترى فوسفات و دى بتتكون من أدينوسين و 3 ذرات فوسفات لما الجسم بيستخدم الطاقة دى ذرة فوسفات بتتحلل و بيتبقى حاجة أسمها ايه دى بى اللى هى أدينوسين دى فوسفات و دى فى الحقيقة بيبقى مالهاش أى نفع منها و هنا بيجى دور الكرياتين بيقوم بالتبرع برابطة الفوسفات الموجودة فيه لل ايه دى بى و بالتالى بيرجع تانى ايه تى بى اللى هو ادينوسين ترى فوسفات اللى هو مصدر الطاقة للجسم و بالتالى الكرياتين بيزود الطاقة و القوة.
❌ الكرياتين بيعمل إيه ؟
بيزود قوة التحمل و بيحافظ على الالياف العضلية ف بتزيد الكتلة العضلية
و سرعة وصول البروتين لعضلات و الاستشفاء العضلي
❌ أخذ قد إيه كرياتين في اليوم ؟
٥ جرام و أشرب ماء كتير طول اليوم عشان تستفاد أقصى أستفاده منه
❌ لو زودت عن ٥ جرام هتبقى النتيجة أفضل ؟
لا ، في دراسات أثبتت إن أفضل نسبه تاخدها ٥ جم و لو خدت أكتر جسمك مش هيستفيد بيها حاجة
❌ إيه ده !! يعني مش لازم أعمله تحميل ؟؟
لا زي م قلنا ٥ جم هي اللي محتاجها في اليوم و فيه دراسات أثبتت إن اللي عملوا تحميل نفس النتيجة طلعت للي معملوش ف مالوش لازمة إلا في حالات معينة زي لاعبىين كمال الأجسام المحترفين
❌ طب هو بيأثر على الكبد و الكلي ؟؟؟
لا ، لو إنت معندكش مشاكل في الكبد و الكلي مالوش أضرار عليك و فيه دراسة عملوها على لاعب كرة قدم بياخد كرياتين لمده ٥ سنين و الكبد و الكلى عنده زي الفل ولا أثرت على وظايف أي حاجة
❌ هو لازم أخذه في وقت معين ؟؟
لا مش شرط ممكن تاخده قبل أو بعد التمرين أو الصبح
❌ لازم يتاخد لوحده ؟
لا برضه ممكن تاخده مع البروتين و الكارب مفيش مشكلة
❌ هو لازم أخده لمده معينة و أوقفه و أرجع أخده تاني عشان يجيب نتيجة أحسن ؟
لا مش شرط مفيش حاجة اثبتت إنك لو خدته على طول هيقل تاثيره
